सोपा दहीवडा - पाककृती

सोपा दहीवडा, पाककला - [Easy Dahi Vada, Recipe].
सोपा दहीवडा - पाककृती | Easy Dahi Vada - Recipe

सोपा दहीवडा


सोपा दहीवडा



सोपा दहीवडा करण्यासाठी लागणारा जिन्नस


  • १ वाटी उडदाची डाळ
  • १ वाटी मोडाचे मूग
  • ४ - ५ हिरव्या मिरच्या
  • ४ चमचे बारीक चिरलेली कोथिंबीर
  • १ इंच आले
  • १ चमचा मीठ
  • ४ - ५ चमचे तेल
  • अर्धा चमचा मोहरी
  • अर्धा चमचा जीरे
  • पाव चमचा हिंग
  • अर्धा चमचा लाल तिखट
  • १ चमचा जिरेपूड
  • अर्धा चमचा साखर
  • २ वाट्या गोड ताक
  • पाव चमचा बेकिंग सोडा

सोपा दहीवडा करण्याची पाककृती


  • डाळ दोन तास भिजवावी.
  • मोड आलेले मूग, डाळ, मिरच्या व कोथिंबीर धुवून निथळावी.
  • आले बारीक चिरावे.
  • सर्व एकत्र भरडसर वाटावे.
  • पाट्यावर किंवा मिक्सरमध्ये वाटताना जास्ती पाणी घालू नये.
  • मिश्रणात मीठ व सोडा घालून हाताने फेसावे.
  • त्याचे छोटे चपटे वडे हाताने वळावे.
  • कुकरमध्ये मोदक वाफवतो तसे चाळणीवर फडके किंवा केळीचे पान ठेवून त्यावर तेलाचा हात फिरवावा व हे वडे वाफवून शिजवावेत.
  • ताकात एक वाटी पाणी घालावे.
  • वडे शिजल्यानंतर बाहेर काढावे.
  • थंड झाले की ताकात थोडा वेळ ठेवावेत.
  • एकीकडे दही घुसळावे.
  • त्यात मीठ व साखर घालावी.
  • तेल तापवून मोहरी, जिरे व हिंगाची फोडणी या दह्यावर ओतावी.
  • ताकातले वडे दुसर्‍या भांड्यात काढावेत. त्यावर हे दही घालावे.
  • सजावटीसाठी थोडी कोथिंबीर, लाल तिखट व जिरेपूड भुरभुरावी.

सोपा दहीवडा

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहासर्व लेखन पहा


जीवनशैली        पाककला

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.