गूळ पापडी म्हणजे मधल्या वेळेस भूक लागल्यावर मुलांना द्यायला एक उत्तम पौष्टीक पर्याय
गूळ पापडी - बऱ्याच दिवस टिकणारी गूळ पापडी मधल्या वेळेस भूक लागल्यावर मुलांना द्यायला एक उत्तम पौष्टीक पर्याय आहे.
गूळ पापडी करण्यासाठी लागणारा जिन्नस
- एक वाटी गव्हाचे पीठ
- पाऊण वाटी गूळ
- एक छोटा चमचा खसखस
- पाव चमचा वेलची पावडर
- एक चमचा किसलेले खोबरे
- अर्धी वाटी तूप
गूळ पापडी करण्याची पाककृती
- प्रथम खसखस थोडे तूप लावलेल्या एका ताटावर सारख्या प्रमाणात पसरवून ठेवा.
- तयार ताट बाजूला ठेवा.
- नंतर एका कढईत तूप टाकून त्यावर गव्हाचे पीठ लालसर होईपर्यंत भाजून घ्या.
- कढई गॅसवरून खाली उतरवा.
- कढईमध्ये किसलेला गूळ, वेलची पावडर व खोबरे घालून मिश्रण चांगले मिसळा.
- गूळ वितळल्यावर व मिश्रण गरम असताना खसखस टाकलेल्या ताटामध्ये मिश्रण ओता व मिश्रण सगळीकडे सारखे पसरवा.
- गरम असतानाच त्याचे हव्या त्या आकाराचे तुकडे करा.
- थंड झाल्यावर डब्यात भरुन ठेवा.
- गूळ पापडी १० ते १५ दिवस खराब होत नाहीत.
गूळ पापडी
स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा
जीवनशैली पाककला