फोनवर बोलताना - मराठी कविता

फोनवर बोलताना, मराठी कविता - [Phonevar Boltana, Marathi Kavita] फोनवर बोलताना शब्द वेडे फितूर तुजला होतात.

फोनवर बोलताना शब्द वेडे फितूर तुजला होतात

फोनवर बोलताना शब्द वेडे
फितूर तुजला होतात
तुझ्या मनीचे भाव नकळत
माझेच होऊन जातात

इथला चंद्र बुडूनी जातो
तुझ्या घराच्या वेशीपाशी
शीत किरणे सोडू पाहतो
तुला पाहूनी खिडकीपाशी

तुझे तिथे असणे बनते
आता फक्त कारण मात्र
इथे येऊनि तुझे नि माझे
बहरून जाते गात्र अन्‌ गात्र

मला कशाचे भान न राहते
तुझेही तेव्हा तसेच असते
माझे मीपण असेच आपण
असेच आयुष्य सुंदर दिसते

---

उमेश कुंभार

सभासद, मराठीमाती डॉट कॉम

मराठी कविता आणि मराठी गझल या विभागात लेखन.

अधिक माहिती पहा । सर्व लेखन पहा