मी मेघ सावळा होता - मराठी कविता

मी मेघ सावळा होता, मराठी कविता - [Me Megh Savala Hota, Marathi Kavita] मी मेघ सावळा होता तू शहारलेली पात.

मी मेघ सावळा होता तू शहारलेली पात

मी मेघ सावळा होता
तू शहारलेली पात
तू स्वप्न होऊनी येता
मी धुंदावली रात

तू सूर मनीचे छेडीता
मी बसतो गाणे गात
तू चालता माझ्यासवे
तुझ्या हाती माझा हात

तू गंध मातीचा होता
मी टिपटीप बरसात
मी उर भरुनी येता
तू मिणमिणती सांजवात

मी-तू तू-मी बस्सऽऽऽ
तुझी माझी हळवी बात
मी यौवनाचा बहर होता
तू सोडतेस कात

---

उमेश कुंभार

सभासद, मराठीमाती डॉट कॉम

मराठी कविता आणि मराठी गझल या विभागात लेखन.

अधिक माहिती पहा । सर्व लेखन पहा