कोकणी मसाला - पाककृती

कोकणी मसाल्याची पाककृती - [Konkani Masala Recipe] महाराष्ट्रातील सर्वाधिक निसर्ग संपन्न अशा कोकणातील ‘कोकणी मसाला’ हा विश्वविख्यात आहेच शिवाय काही प्रमुख भारतीय मसाल्यांतील हा एक लोकप्रिय चवीचा मसाला म्हणूनही ओळखला जातो. कोकणी मसाला हा शाकाहारी आणि मांसाहारी अशा दोनही प्रकारच्या व्यंजनांसाठी वापरला जातो.
कोकणी मसाला - पाककृती | Konkani Masala - Recipe

शाकाहारी आणि विशेष करून मांसाहारी व्यंजनांमध्ये कोकणी मसाला वापरल्यास व्यंजनांस रंग आणि चव दोन्ही उत्तम येतात

‘कोकणी मसाला’साठी लागणारा जिन्नस
  • १/४ किलो सुक्या लाल मिरच्या
  • १/४ किलो धणे
  • १० ग्रॅम लवंग
  • १० ग्रॅम जीरे
  • १० ग्रॅम काळे मिरे
  • १० ग्रॅम मोहरी
  • १० ग्रॅम दलचिनी
  • १० ग्रॅम जायपत्री
  • १० ग्रॅम शहाजिरे
  • १० ग्रॅम मेथीदाणे
  • अर्धा वाटी खसखस
  • १/२ जायफळ
  • २५ ग्रॅम बडीशेप
‘कोकणी मसाला’ची पाककृती
  • प्रथम वरील सर्व साहित्य निवडून घ्या.
  • सर्व साहित्य कोरडेच भाजून घ्या.
  • भाजून झाल्यावर बाजूला थंड करायला ठेवा.
  • थंड झाल्यानंतर मिक्सरमध्ये बारीक पूड करुन घ्या.
  • तयार कोकणी मसाला घट्ट झाकणाच्या बरणीत भरून ठेवा.



हेमा चिटगोपकर | Hema Chitgopkar
सभासद, मराठीमाती डॉट कॉम
पाककला या विभागात लेखन.


जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.