कांदा लसूण मसाला (पाककृती)
कांदा लसूण मसाल्याची पाककृती - [Kanda Lasun Masala Recipe] अस्सल महाराष्ट्रीयन कांदा लसूण मसाला उसळ, वरण आणि मसाले भात सारख्या व्यंजनांत वापरला जातो.
कांदा लसूण मसाला (पाककृती), छायाचित्र: मराठीमाती अर्काईव्ह.
कांदा लसूण मसाल्याची पाककृती - (Kanda Lasun Masala Recipe) पाककृती अस्सल महाराष्ट्रीयन कांदा लसूण मसाला उसळ, वरण आणि मसाले भात सारख्या व्यंजनांत वापरल्यास व्यंजनांना अधिक खमंग चव येते.
कांदा लसूण मसाला करण्यासाठी लागणारा जिन्नस
- २ - ३ कांदे
- १५ - २० पाकळ्या लसूण
- १५० ग्रॅम धणे
- १५० ग्रॅम सुक्या मिरच्या
- २ - ३ दालचिनी
- १ हळकुंड
- १ टि. स्पून लवंग
- १० - १२ तमालपत्रे
- १० मसाला वेलदोडे
- १ टि. स्पून काळे मिरे
- ५ टि. स्पून जिरे
- १ टि. स्पून शहाजिरे
- १० ग्रॅम दगड फूल
- ५ ग्रॅम बाद्यान (बदामफुले)
- ५ ग्रॅम नागकेशर
- १०० ग्रॅम खसखस
- १०० ग्रॅम तीळ
कांदा लसूण मसाला करण्याची पाककृती
- प्रथम वरील सर्व साहित्य निवडून स्वच्छ करुन घ्या.
- नंतर सर्व साहित्य थोडया तेलावर वेगवेगळे भाजून घ्या.
- भाजून झाल्यावर बाजूला गार करायला ठेवा.
- गार झाल्यावर मिक्सरमध्ये एकत्र करून बारीक करा.
- तयार कांदा लसूण मसाला घट्ट झाकणाच्या बरणीत भरून ठेवा.
