हे सांज नभाचे देणे - मराठी कविता

हे सांज नभाचे देणे, मराठी कविता - [He Sanj Nabhache Dene, Marathi Kavita] हे सांज नभाचे देणे, नितळ निळाई डोळी, त्या जास्वंदी ओठांवर, भाळते संध्या भोळी.

हे सांज नभाचे देणे, नितळ निळाई डोळी, त्या जास्वंदी ओठांवर, भाळते संध्या भोळी

हे सांज नभाचे देणे
नितळ निळाई डोळी
त्या जास्वंदी ओठांवर
भाळते संध्या भोळी

ते निळे तुझेच डोळे
अन्‌ जलाशयाची कांती
का थेंबांवरती उतरे
त्या श्रावणातील राती

ते पाण्यावरती संथ
येई चिंब तरंग
ती खळी तुझ्या गालावर
लेऊन सांजचे रंग

तू सांज बावरी अवघी
अन्‌ चिंब चिंब भिजलेली
तू जाता अंधारेल
हि सांज इथे थिजलेली

डोळ्यात येई घनगर्द
दाटून तुझा हा अबोला
तू जाऊ नको ना सखये
मी उरतो निळसर ओला

1 टिप्पणी

  1. मी उरतो नीळसर ओला.... वाह..व्हा...
    सहज सुंदर काव्य.. वाचताना वाटत पुढे बागळ्यांची माळ फुले अजूनही अंबारात हे गीत सुरू होईल..
स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.