न सांगता - मराठी कविता

न सांगता, मराठी कविता - [Na Sangata, Marathi Kavita] ती म्हणाली, न सांगता कधी वाटे कळावे, न सांगता जाणुनी तू घ्यावे.
न सांगता - मराठी कविता | Na Sangata - Marathi Kavita

ती म्हणाली, न सांगता कधी वाटे कळावे, न सांगता जाणुनी तू घ्यावे

ती म्हणाली...
न सांगता कधी वाटे कळावे
न सांगता जाणुनी तू घ्यावे
न बोलता न सांगता गुंज ऐकावे मनाचे
आनंद द्यावा कधी न सांगता

मी...
न सांगताच तुझाच झालो
न सांगताच तुझ्याचसाठी आलो
न सांगताच प्रेम निस्वार्थ घेऊन आलो
न सांगताच प्रेमात तुझ्या बहरू लागलो

न सांगताच मैत्री करीत राहिलो
न सांगताच मैत्रीसाठी झूरू लागलो
न सांगताच मैत्रीची माळ गुंफत राहिलो
न सांगताच मैत्रीच्या नाजूक क्षणांना फुलासारखा जपत राहिलो

न सांगताच स्वप्न तुझे पाहत राहिलो
न सांगताच स्वप्नात तुझ्या येत राहिलो
न सांगताच तुझ्या माझ्या भेटी वाढल्या
बघता बघता शिखरा एवढ्या आठवणी साठल्या
अन आठवणी त्या प्रेमाला आपल्या सजवू लागल्या

न कळावे हृदयस्पंदने हि तुझ्याच स्पर्शाने का वाढावे
जवळीक साधता तुझ्या एका मिठीची
वेड दोघांत का लागावे

प्रेम असे कसे हे अवघड
तरीही दोघे एकमेकांवर करू लागलो
न सांगताच मनाला आपल्या
दोघे एकमेकांत गुंतू लागलो

न सांगताच तुझ्या मनाला समजू लागलो
प्रेम आहे तुझे अफाट माझ्यावर
ते अनुभवू लागलो

खरंच सांगतो
न सांगता मी तुझ्या प्रेमासाठी
देवाकडे भांडू लागलो

न सांगताच असे हे सतत
मनाला पोखरून का जावे
प्रेम केले वेड्यासारखे हे
न सांगता तुला अन मलाच कळावे

अखेर प्रेमाचा काय असावा हे
मीच रंगवू लागलो
न सांगताच माझ्या नशिबाला
मीच सतत कोसू लागलो
न सांगताच माझ्या मनाला मीच समजवू लागलो
न सांगताच माझ्या मनाला मीच समजवू लागलो


सचिन पोटे | Sachin Pote
मुंबई, महाराष्ट्र (भारत) । सभासद, मराठीमाती डॉट कॉम
मराठी माध्यमातून शिक्षण झालेले, अस्सल मुंबईकर सचिन पोटे हे ‘द युथ सोशल फोरम’ या स्वयंसेवी संस्थेसोबत जोडलेले आहेत आणि मराठी भाषेवर नितांत प्रेमापोटी विविध विषयांवर लेखन करतात.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.