स्वभाव - मराठी कविता

स्वभाव, मराठी कविता - [Swabhav, Marathi Kavita] स्वभावाचं घेऊन सांगतो, प्रत्येकाचा वेगळा असतो.

स्वभावाचं घेऊन सांगतो, प्रत्येकाचा वेगळा असतो

स्वभावाचं घेऊन सांगतो
प्रत्येकाचा वेगळा असतो
आज पेढ्यांमध्ये थोडा
उद्या मिरचीसारखा भासतो

माणसाच्या स्वभावाला
अनुभवाची जोड मिळत असते
सर्व सारखी असली तरी
गुणांवर किंमत ठरत असते

वात्रट असला म्हणून जरी
तोडून त्यास चालत नसते
चांगले म्हणवून घेण्यास तर
आयुष्य खर्ची पडत असते

शेवटी तिखट गोड सारे तर
आयुष्याचे रंग खरे
बिनरंगाच्या आयुष्यापुढे
माणूसही मूर्ती ठरे

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.