न सापडलेलं प्रेम - मराठी कविता

न सापडलेलं प्रेम, मराठी कविता - [Na Sapadlela Prem, Marathi Kavita] क्षणात एका टोचलेलं, खोल दरीत पोहोचलेलं, तिथेच डुंबत बसलेलं, न बोलता रुसलेलं.

क्षणात एका टोचलेलं, खोल दरीत पोहोचलेलं, तिथेच डुंबत बसलेलं, न बोलता रुसलेलं

क्षणात एका टोचलेलं
खोल दरीत पोहोचलेलं

तिथेच डुंबत बसलेलं
न बोलता रुसलेलं

ओठात कधी मिटलेलं
कागदास कधी भेटलेलं

पापणीच्या आड हसलेलं
मनात माझ्या वसलेलं

उशीच्या कुशीत निजलेलं
स्वप्नाळु जगात सजलेलं

असून सुद्धा नसलेलं
पण आरशात मात्र दिसलेलं
न सापडलेलं प्रेम


ऋचा मुळे | Rucha Muley
सभासद, मराठीमाती डॉट कॉम
मराठीमाती डॉट कॉम वरिल मराठी कविता विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.