शब्द फुलांचे - मराठी कविता

शब्द फुलांचे, मराठी कविता - [Shabdha Phulanche, Marathi Kavita] आम्हाला असं कधीच वाटलं नव्हतं, बाजारपेठेतील आपण खरेदीची वस्तू व्हावं.

आम्हाला असं कधीच वाटलं नव्हतं, बाजारपेठेतील आपण खरेदीची वस्तू व्हावं

आम्हाला असं कधीच वाटलं नव्हतं
बाजारपेठेतील आपण खरेदीची वस्तू व्हावं

स्टेजवरल्या मान्यवरांच्या स्वागतासाठी प्रेमाचं प्रतिक व्हावं अन
स्वागतानंतर, विरहामुळे वा आणि कशाने कचरा पेटीत जायचं नव्हतं

कुणाच्या केसात तर कुणाच्या दप्तरात जावून कोमेजायचं नव्हतं
हिवाळ्यात काही दवबिंदू शरीरभर आदळून घ्यायचे होते

आम्हालाही काही दिवस आनंदाने जागायचे होते
एकाच्या स्वागतासाठी दुसर्याच्या गळ्यावर घाव
हाच का भूतलावरचा न्याय म्हणून विचारायचं होतं

स्वप्नात तुम्हाला भीती घालावी तर आमच्यामुळे अधिकच चेकाळणार
आम्हावर तुम्ही अखेरपर्यंत अत्याचार करणार पण
आम्हालाही काही दिवस आनंदाने जागायचे आहेत

आम्ही स्वतः आमच्यातीलच काहीना चिरडलेलं पाहत होतो
पण आम्हालाही इथे थांबायला फारच कमी वेळ होता

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.