अश्वपती पुसता - वटसावित्रीची आरती

अश्वपती पुसता, वटसावित्रीची आरती - [Ashwapati Pusata Vatsavitrichi Aarti] अश्वपती पुसता झाला, नारद सांगताती तयाला, अल्पायुषी सत्यवंत.

अश्वपती पुसता झाला, नारद सांगताती तयाला, अल्पायुषी सत्यवंत

अश्वपती पुसता झाला ॥
नारद सांगताती तयाला ॥
अल्पायुषी सत्यवंत ॥
सावित्रीने का प्रणीला ॥
आणखी वर वरी बाळे ॥
मनि निश्चय जो केला ॥
आरती वड० ॥ १ ॥

दयावंत यम दूजा ॥
सत्यवंत ही सावित्री ॥
भावे करीन मी पूजा ॥
आरती वड० ॥ ध्रु० ॥

ज्येष्ठमास त्रयोदशी ॥
करिती पूजन वडाशी ॥
त्रिरात्र व्रत करुनिया ॥
जिंकिसी तू सत्यवंताशी ॥
आरती वड० ॥ २ ॥

स्वर्गावरी जाऊनिया ॥
अग्निखांब कवळीला ॥
धर्मराज उचकला ॥
हत्या घालील जीवाला ॥
येई गे पतिव्रते ॥
पति नेई गे आपुला ॥
आरती वड० ॥ ३ ॥

जाऊनियां यमापाशी ॥
मागतसे आपला पती ॥
चाई वर देऊनिया ॥
दयावंत द्यावा पती ॥
आरती वड० ॥ ४ ॥

पतिव्रते तुझी कीर्ति ॥
ऐकूनि ज्या नारी येती ॥
तुझे व्रत आचरती ॥
तुझी भवने पावती ॥
आरती वड० ॥ ५ ॥

पतिव्रते तुझी स्तुती ॥
त्रिभुवनी ज्या करीती ॥
स्वर्गी पुष्पवृष्टी करुनिया ॥
आणिलासी आपला पती ॥
अभय देउनिया ॥
पतिव्रते तारी मजसी ॥
आरती वड० ॥ ६ ॥