मंगलागौरी नाम तुझे - मंगळागौरीची आरती

मंगलागौरी नाम तुझे, मंगळागौरीची आरती - [Mangalagauri Naam Tujhe, Mangalagaurichi Aarti] मंगलागौरी नाम तुझे, तुला नमन असो माझे.
मंगलागौरी नाम तुझे - मंगळागौरीची आरती | Mangalagauri Naam Tujhe - Mangalagaurichi Aarti

मंगलागौरी नाम तुझे, तुला नमन असो माझे

मंगलागौरी नाम तुझे ॥
तुला नमन असो माझे ॥
भवदुःखाचे हे ओझे ॥
देवी उतरावे सहजे ॥ १ ॥

जय माये मंगलागौरी ॥
तुजला पुजू अंतरी ॥
नानाविधि उपचारी ॥
दीप ओंवाळूं सुंदरी ॥ ध्रु० ॥

गजाननाची तूं माता ॥
शंकराची प्रिय कांता ॥
हिमाचलाची तू दुहिता ॥
मज तारिं तारिं आतां ॥ जय माये० ॥ २ ॥

लागें तुझ्या चरणाशीं ॥
जाळीं पापांचिया राशी ॥
भक्ति ठसावी मानसीं ॥
अंबे न्यावें पायांपाशीं ॥ जय माये० ॥ ३ ॥

गौरी ओवाळित्यें दीप ॥
नेणें तुझें नामरूप ॥
वाढवावें सौभाग्य अमूप ॥
विश्यची तूं मायबाप ॥ जय माये० ॥ ४ ॥

रिकामीं ही खटपट ॥
शुद्धमार्गी लावी नीट ॥
परब्रह्म घनदाट ॥
द्यावी नारायणी भेट ॥ जय माये० ॥ ५ ॥

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.