आरती सप्रेम - दशावताराची आरती

आरती सप्रेम, दशावताराची आरती - आरती सप्रेम जय जय विठ्ठल परब्रह्म, भक्त संकटि नानास्वरूपी स्थापिसि स्वधर्म [Aarti saprem, Dashavatarachi Aarti].

आरती सप्रेम जय जय विठ्ठल परब्रह्म...

आरती सप्रेम - दशावताराची आरती

आरत्या

आरती सप्रेम जय जय विठ्ठल परब्रह्म । भक्त संकटि नानास्वरूपीं स्थापिसि स्वधर्म ॥ ध्रु० ॥ अंबऋषीकारणें गर्भवास सोशीसी । वेद नेले चोरूनि ब्रह्मया आणुनिया देसी ॥ मत्स्यरूपी नारायण सप्तहि सागर धुंडीसी । हस्त लागता शंखासुरा तुझा वर देसी ॥ आरती० ॥ १ ॥ रसातळासी जाता पृथ्वी पाठीवर घेसी । परोपकरासाठी देवा कासव झालासी ॥ दाढे धरुनी पृथ्वी नेता वराहरूप होसी । प्रल्हादाकारणे स्तंभी नरहरि गुरगुरसी ॥ आरती० ॥ २ ॥ पाचवे अवतारी बळिच्या द्वाराला जासी । भिक्षे स्थळ मागुनी बळीला पाताळा नेसी ॥ सर्व समर्पण केलं म्हणुनी प्रसन्न त्या होसी । वामनरूप धरुनी बळिच्या द्वारी तिष्ठसी ॥ आरती० ॥ ३ ॥ सहस्त्रार्जुन मातला जमदग्नीचा वध केला । कष्टी ते रेणुका म्हणुनी सहस्त्रार्जुन वधिला ॥ निःक्षत्री पृथ्वी दान दिधली विप्राला । सहावा अवतार परशुराम प्रगटला ॥ आरती० ॥ ४ ॥ मातला रावण सर्वा उपद्रव केला । तेहतिस कोटी देव बंदी हरिले सीतेला ॥ पितृवचनालागी रामे वनवास केला । मिळोनि वानरसहित राजा राम प्रगटला ॥ आरती० ॥ ५ ॥ देवकीवसुदेवबंदीमोचन त्वा केले । नंदाघरी जाउनी निजसुख गोकुळा दिधले । गोरसचोरी करिता नवलक्ष गोपाळ मिळविले । गोपिकांचे प्रेम देखुनि श्रीकृष्ण भुलले ॥ आरती० ॥ ६ ॥ बौद्ध कलंकी कलियुगी झाला अधर्म हा अवघा । सोडुनी दिधला धर्म म्हणुनी न दिससी देवा ॥ म्लेंच्छमर्दन करिसी ह्मणोनि कलंकी केशवा । बहिरवि जान्हवी द्यावी निजसुखानंदाची सेवा ॥ आरती० ॥ ७ ॥

इतर आरत्या वाचा:

आरती सप्रेम - दशावताराची आरती (व्हिडिओ)

---