ह्या दिव्याच्या सोबतीला - मराठी गझल

ह्या दिव्याच्या सोबतीला, मराठी गझल - [Hya Divyachya Sobatila, Marathi Ghazal] ह्या दिव्याच्या सोबतीला, ही जीवाची वात आहे, अंतरिची वेदना पुन्हा.

ह्या दिव्याच्या सोबतीला, ही जीवाची वात आहे, अंतरिची वेदना पुन्हा, तेच गीत गात आहे

ह्या दिव्याच्या सोबतीला
ही जीवाची वात आहे
अंतरिची वेदना पुन्हा
तेच गीत गात आहे

राहीले कोणत्या दिशेला
स्वप्नातले गाव माझे
मी असा वेडावूनी
सांगा कुठे जात आहे

देऊ नका असा मला
तुम्ही भरवसा
प्रत्येक पावलांच्या चाहूलीला
आज इथे वात आहे

होऊनी बेघर सारे
शब्द पसरले गावातले
बोलणारी वाट त्याची
काळजाच्या आत आहे

नाईलाजाच्या गळ्यात लोंबती
आडचणीचे फास सदा
मजबूर माणसाची
ही कुठली जात आहे
संतोष सेलुकर | Santosh Selukar
परभणी, महाराष्ट्र (भारत) । सभासद, मराठीमाती डॉट कॉम
लिखाणाची आवड असणारे आणि व्यवसायाने शिक्षकी पेशात असलेले संतोष सेलुकर यांचा ‘दुरचे गाव’ हा कविता संग्रह प्रकाशित झालेला आहे.

२ टिप्पण्या

  1. वाह क्या बात है...
    1. आपल्या अभिप्रायाबद्दल आभार.
स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.