आशेचा हिंदोळा - मराठी कविता

आशेचा हिंदोळा, मराठी कविता - [Aashecha Hindola, Marathi Kavita] आशेच्या हिंदोळ्यावर बसून, दूरवर बघत बघत, स्वप्न पहाण्याचा, आता कंटाळा आलाय.

आशेच्या हिंदोळ्यावर बसून, दूरवर बघत बघत, स्वप्न पहाण्याचा, आता कंटाळा आलाय

आशेच्या हिंदोळ्यावर बसून
दूरवर बघत बघत
स्वप्न पहाण्याचा
आता कंटाळा आलाय
अंत नाही आशेला
त्यावर बांधलेल्या मनोरथाला
त्या मनोरथानीच
आजवर मला फसवलं
मी वेडी
त्या आशेच्या पंखावर
स्वार झाले
आता समजलं
आशेचे ते पंख
परिस्थितीनं छाटून टाकले
पण वेड्या मनानं
मानलंच नाही.
पुन्हा बसले. त्या निर्जीव
आशेच्या झोपाळ्यावर!
बसून बसून कंटाळले!
वाटतं त्या हिंदोळ्याचे दोर
कुणीतरी कापावेत
म्हणजे
मी धपकन आपटेन
वास्तवाच्या जमिनीवर
स्वप्न संपतील
जीवनाचा अर्थ समजेल
निर्गुण परमात्मा


अनुराधा फाटक | Anuradha Phatak
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.