चण्याचे गोळे - पाककृती

चण्याचे गोळे, पाककला - [Chanyache Gole, Recipe] चणाडाळ व उडीद डाळीचे गोळे करुन उन्हात कडक वाळल्यानंतर तयार चण्याच्या गोळ्याची सुंदरशी आमटी बनवता येते.

आमटीसाठी चटपटीत ‘चण्याचे गोळे’

‘चण्याचे गोळे’साठी लागणारा जिन्नस

२५० ग्रॅम चणाडाळ
२५० ग्रॅम उडीद डाळ
१ टी. स्पून धणे - जिरे पावडर
१ टी. स्पून हिंग
१ टी. स्पून लसूण पेस्ट
२ टी. स्पून मिरची पेस्ट
२ टी. स्पून प्रत्येकी पुदिना व कोथिंबीर पेस्ट
२ टी. स्पून मीठ.

‘चण्याचे गोळे’ची पाककृती

चणाडाळ व उडीद डाळ रात्रभर भिजवून दुसऱ्या दिवशी मिक्सरमध्ये जाडसर वाटाव्या. (एकदम बारीक करू नयेत.)
त्यात वरील सर्व साहित्य घालून चांगले एकत्र करून गोळा बनवा.
कडक उन्हात प्लॅस्टिकवर त्या मोठ्या गोळ्याचे बारीक बारीक गोळे करून वाळत घालावेत.
कडकडीत सुकल्यावर घट्ट झाकण्याच्या डब्यात भरून ठेवा.

आवश्यकतेप्रमाणे आमटीत घालून चण्याच्या गोळ्यांची आमटी बनवा.