ब्रेड कटलेट - पाककृती

ब्रेड कटलेट, पाककला - [Bread Cutlet, Recipe] ‘ब्रेड कटलेट’ हे आपण नाश्त्यामध्ये, मधल्या वेळेत किंवा लहान मुलांना टिफीनमध्ये देता येऊ शकतो, झटपट बनवता येणारे ब्रेड कटलेट लहान मुलांना नक्कीच आवडतील.
ब्रेड कटलेट- पाककला | Bread Cutlet - Recipe

खास लहान मुलांसाठी तसेच झटपट करता येणारे चटपटीत ब्रेड कटलेट

‘ब्रेड कटलेट’साठी लागणारा जिन्नस

  • १० स्लाइस ब्रेड
  • ४ हिरव्या मिरची
  • १/२ कप कोथिंबीर
  • १ तुकडा आले
  • मीठ चवीनुसार
  • १०० ग्रॅम चीज
  • तळण्याकरता तेल

‘ब्रेड कटलेट’ची पाककृती

  • हिरवी मिरची व आले बारीक वाटून घ्या.
  • कोथिंबीर बारीक चिरा,
  • चीज किसणीने किसून घ्या.
  • ब्रेड चे स्लाइस पाण्यात बुडवून लगेच काढून घ्या.
  • हाताने दाबुन त्याचे पाणी काढून त्यांना हातने कुस्करा.
  • त्यामध्ये हिरव्या मिरची, कोथिंबीर, आलं, मीठ मिसळून मिश्रण एकत्र करा.
  • आता थोडेसे मिश्रण हातावर घ्या त्याच्या मधोमध चीज ठेऊन परत बंद करा.
  • तुम्हाला आवडतील त्या आकारात लहान-लहान कटलेट तयार करा.
  • एका कढईत तेल गरम करून कटलेट तळून घ्या.
  • गरम-गरम ब्रेड कटलेट टोमॅटो सॉस व हिरव्या चटणी बरोबर वाढा.
ब्रेड कटलेट चवीला फार चटपटीत लागतात. तुम्ही घरी किंवा पार्टीमध्ये स्टार्टर म्हणून वाढू शकता.



स्वाती खंदारे | Swati Khandare
संपादिका, मराठीमाती डॉट कॉम
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.


जीवनशैली / पाककला


टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.