गुच्छ फुलांचे निरिच्छ - मराठी कविता (आरती प्रभू)

गुच्छ फुलांचे निरिच्छ - मराठी कविता (आरती प्रभू) - ज्येष्ठ आणि प्रसिद्ध मराठी कवी आरती प्रभू यांची गुच्छ फुलांचे निरिच्छ ही लोकप्रिय मराठी कविता.

हजार मोरांचेच पिसारे, अंधारच की सगळा...

गुच्छ फुलांचे निरिच्छ

आरती प्रभू (चिंतामणी त्र्यंबक खानोलकर. ज्येष्ठ मराठी कवी आणि लेखक)

आरती प्रभू यांच्या ‘नक्षत्रांचे देणे’ या कवितासंग्रहातून.

हजार मोरांचेच पिसारे: अंधारच की सगळा: अंधारच सहवास तिचा तो एकदाच जो घडला. नुक्तिच उठली नक्षत्रांतुन आळसलेली दृष्टी, अवघड झाला हृदयाइतुका पदर तिचा जो ढळला: पोक्त पिकेसे विसावलेले वारे पदरावरती चाळवले अन् पुन्हा थबकले, झाले कोमट गवती; दिसूं लागले संगमर्मरी पाषाणांतिल स्पंद, मिनिटामिनिटांमधले लोलक हळूच अन् किणकिणती. क्षितिजी उतरे गारगारसा मेघखंड जडशीळ: आयुष्यांतुन पसरे कडवट चव त्याची घननीळ; नव्या जन्मल्या मातीसम अन् जड नेत्रांची पातीं, काचेवर अन् उठे त्वचेच्या हंसांचा स्वरमेळ. काळ्या पोशाखांतिल उल्का झिणझिण तुटली गात्री, त्या मद्याच्या क्षणार्थ आला निरभ्र आशय पात्रीं; गुच्छ फुलांचे निरिच्छ घळले वसनावरुनी काळ्या, पाठमोरिं मग कितीक झाली नक्षत्रे त्या रात्री... हजार मोरांचेच पिसारे अंधारावर आले, वेढुन आले तिच्याच देहा तिच्याच देही मिटले.

आरती प्रभू यांच्या इतर प्रसिद्ध कविता:

---

मराठीमाती डॉट कॉम येथे प्रकाशित होणाऱ्या निवडक मराठी कविता आता श्राव्य स्वरूपात देखील उपलब्ध आहेत. सर्व ऑडिओ कविता या दुव्यावर ऐकता येतील.

---

• [col]
• - आईच्या कविता
• - निसर्ग कविता
• - पावसाच्या कविता
• - गावाकडच्या कविता

• [col]
• - आत्मविश्वासाच्या कविता
• - आनंदाच्या कविता
• - दुःखाच्या कविता
• - प्रेम कविता

• [col]
• - प्रेरणादायी कविता
• - बाबाच्या कविता
• - बायकोच्या कविता
• - बालकविता

• [col]
• - मैत्रीच्या कविता
• - विरह कविता
• - शांततेच्या कविता
• - शाळेच्या कविता

• [col]
• - शिक्षकांवर कविता
• - सामाजिक कविता
• - अंधश्रद्धेच्या कविता
• - देशभक्तीपर कविता

• [col]
• - सैनिकांच्या कविता
• - शेतकर्‍याच्या कविता
• - प्रवासाच्या कविता
• - तिच्या कविता

• [col]
• - संघर्षाच्या कविता
• - आठवणींच्या कविता
• - राजकीय कविता
• - तरुणाईच्या कविता

---

अक्षरमंच - मुक्त व्यासपीठ - नवोदितांच्या लेखन प्रतिभेस प्रोत्साहन देणारे एक मुक्त व्यासपीठ.
आपले लेखन आणि साहित्य प्रकाशित करण्यासाठी ऑनलाईन किंवा ऑफलाईन मोफत लेखक नोंदणी करा.
नवीन लेखक नोंदणी / मराठीमाती डॉट कॉम येथे साहित्य प्रकाशनासंदर्भातील अधिक माहितीसाठी आम्हाला +९१ ९३२ ६०५ २५५२ येथे संपर्क साधा.