श्रद्धेचा चिखल (कुठेतरी-काहीतरी)

श्रद्धेचा चिखल (कुठेतरी-काहीतरी) - एका कलाकारासाठी कुठलीच कला कधीच बाद होत नाही; कला अजरामर असते [Shraddhecha Chikhal].

आपल्या डोळ्यांना न बघवणारा पण तरीही दिसत राहणारा हा श्रद्धेचा चिखल

श्रद्धेचा चिखल (कुठेतरी-काहीतरी)

(Shraddhecha Chikhal) मस्तपैकी नदीत पाय टाकून मी शांत बसले होते या मुर्त्यांकडे बघत (मनात म्हंटलं, ओऽऽऽह त्तेरी... तुम्हारा भी यही हाल हैं क्या?).

कित्येक वर्षांपासून कित्येकांनी याच देवांना डोळे भरून पाहण्यासाठी पायपीट केली असेल, येथे माथा टेकला असेल, आपली करुणा भाकली असेल, नवस बोलले असतील, हार फुलं प्रसादासाठी पदरमोड केली असेल, उपवास धरले असतील, डोकं आपटले असेल, लोटांगण घातले असतील, आरत्या ओवाळल्या असतील, भजनं गायली असतील याच देवांसाठी ज्यांना... जाऊ द्या.

पैठण च्या गोदावरी धरणाजवळील भग्न अवस्थेतील दगडी मूर्ती

यांच्या ऐवजी आता मंदिर संस्थानिकांनी मंदिराचा जीर्णोद्धार म्हणून सारं नवं काम केलंय. त्यामुळे शेकडो वर्षांपासून लोकांनी नमस्कार करून करून झिजवलेल्या या दगडांचं तिथे आता काही काम नसेल. मग पवित्रता भंग न होता विल्हेवाट कशी लावायची तर नदीपात्रात सोडून द्यायचं, म्हणजेच विसर्जित करायचं... ट्रकाने भरून! नदी सर्व वाहून नेते पुरात, (तिला काय, कामच आहे तिचं... तिचं बाकी काहीही होवो) तसंही भंगलेलं ठेवू नये त्यांची पुजा वर्ज्य असते असं शास्त्रय (माणसाचं)

डोळे सुन्न करणारं दृष्य

असो, माझ्या रिकाम्या डोक्याला आणि डोळ्यांना हे सारं फार सुन्न करणारं वाटलं. एवढाच पर्याय होता का? दुसरी कुठलीच कल्पना आली नसेल का संस्थानिकांच्या डोक्यात. मला तर वाटत होतं सारं घेऊन यावं आपल्या घरी पण पण... खबरदार, आपण जर असं केलं तर तो गुन्हा होतो बरं का! लक्षात ठेवा, असंच आहे हे! त्यापेक्षा वाहिलेलं बरं.

पैठण च्या गोदावरी धरणाजवळील भग्न अवस्थेतील दगडी मूर्ती

आता हलल्याच बिचाऱ्या जागेवरून अन्‌ गेल्याच प्रवाहात वाहून तर काय होईल? पुन्हा कुठेतरी, कुणालातरी सापडतील अन्‌ पुन्हा कोणीतरी शेंदूर फासील... चालू द्या... नाहीतर आपल्या डोळ्यांना दिसत राहीलंच जाऊ तेव्हा; श्रद्धेचा चिखल.

असो, आपण एकच लक्षात ठेवायचं असतं, देव चराचरात वसलेला आहे. जळी तळी सर्वत्र... माणसांत सोडून... एका कलाकारासाठी कुठलीच कला कधीच बाद होत नाही. कधीच मरत नाही. कला अजरामर असते.

पैठण च्या गोदावरी धरणाजवळ वाळू चाळणाऱ्या मायलेकी

हे फार भयंकर होतं, ह्या मायलेकी पहाटेपासून तर सुर्य डोक्यावरून कलेपर्यंत अन्‌ पुन्हा उसंत घेऊन सायंकाळ कलेस्तोवर एकसारखं नदीपात्रात घाम गाळून वाळू वाळू चाळतांना... रुपया रुपया वेचतांना!

- नमिता प्रशांत

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.