सैनिका मी स्वागत करतो (मराठी कविता)

सैनिका मी स्वागत करतो (मराठी कविता) - मराठीमाती डॉट कॉम चे सभासद कवी अरविंद थगनारे यांची सैनिका मी स्वागत करतो ही कविता.

सैनिका मी स्वागत करतो, गळा घालूनी हार

---

सैनिका मी स्वागत करतो (मराठी कविता)

मराठीमाती डॉट कॉम चे सभासद कवी अरविंद थगनारे यांची कविता ‘सैनिका मी स्वागत करतो’.

---

सैनिका मी स्वागत करतो
गळा घालूनी हार
न मानलीस तू शत्रूपक्षास
शरण येऊनी हार

पहात पहात तुझे शौर्य
अस्तास गेला सुवर्ण गोळा
तमा नसे तुजला कधी
ग्रास घेईल तोफेचा गोळा

स्वग्रहीचा रहिवास तो
वाटे तुजला हवा
माता पित्याचा प्रियजनांचा
निरोप देते स्वग्रामीची हवा

युध्दभूमीवर मन तुझे ते
युध्दात अति रंगले
कणखर काटक शरीर तुझे रे
रक्ताने रंगले

धरणीमातेस हवा तुझा रे
नित्याचा वास
दरवळू दे चोहीकडे
तुझ्या शौर्याचा वास

भूमातेचे रक्षण करणे
हाच तुला रे सदैव नाद
सळसळ करते रक्त तुझे रे
ऐकूनी रणशिंगाचा नाद

जीवनान्त होईपर्यंत
केली भूमातेची रक्षा
वार्‍यासंगे स्रोत बनूनी उर्जेचा
पसरली भूवरी देहाची रक्षा

- अरविंद थगनारे