ना उमेद मी कधीच नव्हते - मराठी कविता

ना उमेद मी कधीच नव्हते, मराठी कविता - [Na Umed Kadhich Navhate, Marathi Kavita] ना उमेद मी, स्वाती दळवी यांची ना उमेद मी कधीच नव्हतेची कविता.

'ना उमेद' मी कधीच नव्हते, आडात नाही ते पोहऱ्यात शोधत होते

---

ना उमेद मी कधीच नव्हते (मराठी कविता)

मराठीमाती डॉट कॉम चे सभासद कवी स्वाती दळवी यांची आत्मविश्वासाच्या कविता ‘ना उमेद मी कधीच नव्हते’.

---

'ना उमेद' मी कधीच नव्हते
आडात नाही ते पोहऱ्यात शोधत होते
आणि हातात असतानाही गावभर हिंडत होते
ह्रदयात असुनही देवळात जात होते आणि
दगडासमोर डोके फोडुन जखमी मात्र होत होते
'ना उमेद' मी कधीच नव्हते

तरीही जगण्यासाठी डोळेझाकुन काहीतरी शोधत होते
डोळे झाकण्याची चुक माझीच असतानाही
ठेचाळणाऱ्या दगडालाच रागवत होते
प्रयत्न अपुरे असतानाही दैवावरच डाफरत होते
पण आळशीपणाने गोंजारलेल्या माझ्याच लहरी
मनाला आता मी सुनावणार आहे
की 'ना उमेद मी कधीच नव्हते

- स्वाती दळवी