या झोपडीत माझ्या - मराठी कविता (संत तुकडोजी महाराज)

ज्येष्ठ आणि प्रसिद्ध मराठी कवी संत तुकडोजी महाराज (माणिक बंडोजी इंगळे) यांची या झोपडीत माझ्या ही लोकप्रिय मराठी कविता.

राजास जी महाली सौख्ये कधी मिळाली...

या झोपडीत माझ्या

संत तुकडोजी महाराज (माणिक बंडोजी इंगळे)

राजास जी महाली सौख्ये कधी मिळाली ती सर्व प्राप्त झाली, या झोपडीत माझ्या भूमीवरी पडावे, तार्‍यांकडे पहावे प्रभुनाम नित्य गावे, या झोपडीत माझ्या पहारे आणि तिजोर्‍या, त्यातुनी होती चोर्‍या दारास नाही दोर्‍या, या झोपडीत माझ्या जाता तया महाला, मज्जाव शब्द आला भिती न यावयाला, या झोपडीत माझ्या महाली माऊ बिछाने, कंदील शामदाने आम्हा जमीन माने, या झोपडीत माझ्या येता तरी सुखे या, जाता तरी सुखे जा कोणावरी न बोजा, या झोपडीत माझ्या पाहून सौख्य माझे, देवेंद्र तोही लाजे शांती सदा विराजे या झोपडीत माझ्या तुकड्या मती करावी, पायी तुझ्या नमावी मूर्ति तुझि रहावी, या झोपडीत माझ्या

संत तुकडोजी महाराज यांचे इतर लेखन वाचा: