केवढे हे क्रौर्य (मराठी कविता)

केवढे हे क्रौर्य - (मराठी कविता) ज्येष्ठ प्रसिद्ध कवी ना. वा. टिळक (नारायण वामन टिळक) यांची लोकप्रिय कविता केवढे हे क्रौर्य.

केवढे हे क्रौर्य (मराठी कविता), चित्र: मराठीमाती अर्काईव्ह.

केवढे हे क्रौर्य - (मराठी कविता) ज्येष्ठ प्रसिद्ध कवी ना. वा. टिळक (नारायण वामन टिळक) यांची लोकप्रिय कविता केवढे हे क्रौर्य.

क्षणोक्षणी पडे, उठे, परि बळे, उडे बापडी चुके पथहि, येउनी स्तिमित दृष्टिला झापडी किती घळघळा गळे रुधिर कोमलांगातुनी तशीच निजकोटरा परत पातली पक्षिणी म्हणे निजशिशूप्रती, अधिक बोलवेना मला तुम्हास अजि अंतीचा कवळ एक मी आणला करा मधुर हा, चला, भरविते तुम्हा एकदा करी जतन यापुढे प्रभु पिता अनाथा सदा अहा, मधुर गाउनी रमविले सकाळी जना कृतघ्न मज मारतील नच ही मनी कल्पना तुम्हास्तव मुखी सुखे धरुन घास झाडावरी क्षणैक बसले तो शिरे बाण माझ्या उरी निघुन नरजातिला रमविण्यात गेले वय म्हणून वधिले मला, किती दया, कसा हा नय उदार बहु शूर हा नर खरोखरी जाहला वधुनी मज पाखरा निरपराध की दुर्बला म्हणाल, भुलली जगा, विसरली प्रिया लेकरा म्हणून अतिसंकटे उडत पातले मी घरा नसे लवहि उष्णता, नच कुशीत माझ्या शिरा स्मरा मजबरोबरी परि दयाघना खरा असो, रुधिर वाहुनी नच भिजो सुशय्या तरी म्हणून तरुच्या तळी निजलि ती द्विजा भूवरी जिवंत बहु बोलके किती सुरम्य ते उत्पल नरे धरुन नाशिले, खचित थोर बुध्दिबल मातीत ते पसरिले अतिरम्य पंख केले वरी उदर पांडुर निष्कलंक चंचू तशीच उघडी पद लांबवीले निष्प्राण देह पडला, श्रमही निमाले

- ना. वा. टिळक (नारायण वामन टिळक)