रे हिंदबांधवा (मराठी कविता)

रे हिंदबांधवा - (मराठी कविता) ज्येष्ठ प्रसिद्ध कवी भा. रा. तांबे (भास्कर रामचंद्र तांबे) यांची लोकप्रिय कविता रे हिंदबांधवा.
रे हिंदबांधवा (मराठी कविता)
रे हिंदबांधवा (मराठी कविता), चित्र: मराठीमाती अर्काईव्ह.
रे हिंदबांधवा - (मराठी कविता) ज्येष्ठ प्रसिद्ध कवी भा. रा. तांबे (भास्कर रामचंद्र तांबे) यांची लोकप्रिय कविता रे हिंदबांधवा.

रे हिंदबांधवा, थांब या स्थळी अश्रु दोन ढाळी ती पराकमाची ज्योत मावळे इथे झाशिवाली तांबेकुलवीरश्री ती नेवाळकरांची कीर्ति हिंदभूध्वजा जणु जळती मर्दानी राणी लक्ष्मीबाई मूर्त महाकाली घोडयावर खंद्या स्वार हातात नंगि तलवार खणखणा करित ती वार गोर्‍यांची कोंडी फोडित, पाडीत वीर इथे आली कडकडा कडाडे बिजली शत्रुंची लष्करे थिजली मग किर्तीरुप ती उरली ती हिंदभूमीच्या, पराकमाची इतिश्रीच झाली मिळतील इथे शाहीर लववितील माना वीर तरु, झरे ढाळीतील नीर ह्या दगडा फुटतील जिभा कथाया कथा सकळ काळी

- भा. रा. तांबे (भास्कर रामचंद्र तांबे)

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.