बुद्धम् शरणम् (मराठी कविता)

बुद्धम् शरणम्, मराठी कविता - हूबनाथ पांडे यांच्या मुळ हिंदी कवितेचा सुदेश इंगळे यांनी केलेला मराठी अनुवाद.
बुद्धम् शरणम् - मराठी कविता
बुद्धम् शरणम् (मराठी कविता), छायाचित्र: मराठीमाती अर्काईव्ह.
बुद्धम् शरणम् - (मराठी कविता) हूबनाथ पांडे यांच्या मुळ हिंदी कवितेचा सुदेश इंगळे यांनी केलेला मराठी अनुवाद.

खरं बोललास तथागता ज्ञान तर असतच पंडितांजवळ ज्याला बांधून ठेवलेलं असतं वाळवी लागल्या पोथ्यांमधे तुला ज्ञान पाहिजे असतं तर गेला असतास पंडितांच्या शरणात पोथ्यांच्या आश्रयाला पण समजली होती तुला निरर्थकता तथाकथित ज्ञानाची जे जाणत होतं आत्म्याला, ब्रह्माला पण ओळखत नव्हतं माणसाला माणसाच्या वेदनेला म्हणून तू निघालास ज्ञानाच्या विरुद्ध दिशेला पोथ्यांच्या पहाडाकडं पाठ फिरवून बोधी कडे बोध कधी तठस्थ नसतो स्वायत्त नसतो आत्मकेंद्रित तर अजिबात नाही बोध जो जोडतो लोकांना जन - गण - मनांना आयुष्याशी स्वर्गाशी नाही बोध जोडतो जमिनीशी मातीशी माती सारख्या लोकांना माती व्हायच्या आधी बोध घेऊन जातो मुक्तीच्या आभाळात सगळ्या बंधनांसहित मुक्तीमधे काही उरत नाही सगळं सोबत चालतं सगळ्यां सोबत चालणं सगळ्यांच्या दुःखाला भोगणं सगळ्या जीवनावर करुणा स्वतःला सगळ्यांत सगळ्यांमध्ये स्वतला पाहणं हेच तर निर्वाण! हो ना तथागता!

- सुदेश इंगळे (मराठी अनुवाद)
(मुळ हिंदी कवितेचे लेखक: हूबनाथ पांडे)

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.