तुला कळेल का सारे? - मराठी कविता

तुला कळेल का सारे?, मराठी कविता - [Tula Kalel Ka Sare, Marathi Kavita] मनातलं सारचं बोलताना, काळीज संपूर्ण फाटतं, जखम भळाभळा वाहतांना.
तुला कळेल का सारे? - मराठी कविता | Tula Kalel Ka Sare - Marathi Kavita

मनातलं सारचं बोलताना, काळीज संपूर्ण फाटतं, जखम भळाभळा वाहतांना

मनातलं सारचं बोलताना
काळीज संपूर्ण फाटतं
जखम भळाभळा वाहतांना
काहीतरी मनात साठतं
वेदना गहिऱ्या ऐकताना
जग हळहळले का सारे?
तुला कळेल का सारे?

सारचं काही मिळूनही
काही सुटून जात होते
मूठ भरलेली असूनही
हात मोकळे होत होते
गमावलेलेल सर्वस्व माझे
मज मिळेल का सारे
सारचं काही मिळूनही

लटक्या न्‌ बोचऱ्या नात्यांचा
अंत कधी हा व्हायचा?
सुटकेचा मार्ग जणू सोनेरी
आता मज का दिसायचा
स्मृती कोणती राहू नये
पार्थिव जळेल का सारे?
तुला कळेल का सारे?


दर्शन जोशी | Darshan Joshi
संगमनेर, महाराष्ट्र (भारत) । सभासद, मराठीमाती डॉट कॉम
दर्शन जोशी हे संगमनेर येथील मातोश्री रु. दा. मालपाणी विद्यालय येथे शिक्षक म्हणून कार्यरत आहेत.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.