आई अंतरात माझ्या - मराठी कविता

आई अंतरात माझ्या, मराठी कविता - [Aai Antarat Majhya, Marathi Kavita] काल एक विचार असला आला मनात माझ्या.
आई अंतरात माझ्या - मराठी कविता | Aai Antarat Majhya - Marathi Kavita

काल एक विचार असला आला मनात माझ्या

काल एक विचार असला
आला मनात माझ्या

कोणाचा वास आहे
ह्या अंतरात माझ्या?

आईमुळेच माझा
संसार हा बहरतो

बरकत तिच्याच कारण
आहे घरात माझ्या

जेव्हा कधी मी रडतो
पदरात तीच घेते

झाकून पाहते ती
बाहेरून आत माझ्या

ती दुःख माझं हरते
चिंता ती माझी करते

ती देवदूत आहे
या जीवनात माझ्या

आई स्वर्ग माझा
माझा नरक पण आई

विश्वास माझा आहे
हा व्यवहारात माझ्या

आई मुळे सुगंधी
हे शब्द माझे सारे

ती लेखणीत माझ्या
ती अक्षरात माझ्या

- हसनैन आकिब

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.