मोलकरीण बाई मालिकेचा गणपती विशेष भाग

मोलकरीण बाई मालिकेचा गणपती विशेष भाग, टिव्ही - [Molkarin Bai Ganpati Special Episode, TV].

शांतीनगरवर येणारं विघ्न बाप्पा परतवून लावेल का?

गणरायाच्या आगमनासाठी आता अवघे काही दिवस उरले आहेत. बाप्पाच्या आगमनासाठी सारा आसमंत आतूर आहे. सजावटीच्या वस्तूंनी बाजारपेठाही खुलल्या आहेत. दहा दिवसांचा हा उत्सव वर्षभराची ऊर्जा देऊन जातो. स्टार प्रवाहवरील ‘मोलकरीण बाई’ मालिकेतल्या शांती नगर वस्तीमध्येही गणरायाचं जल्लोषात स्वागत होणार आहे. साग्रसंगीत पूजा, आरती आणि गोडाधोडाच्या मेजवानीसोबतच जबरदस्त नृत्याची मैफल या सोहळ्यात अनोखे रंग भरणार आहे. एकीकडे अनिता आणि अनिल तर तिकडे गुंजन आणि हृतिकचा डान्स धमाका प्रेक्षकांना अनुभवता येणार आहे.

‘मोलकरीण बाई’ मालिकेत गुंजनची भूमिका साकारणाऱ्या अश्विनी कासार आणि संपूर्ण टीमने या विशेष भागासाठी खास तयारी केली होती. अश्विनी नृत्य शिकली असली तरी मालिकेत नृत्य करणं हा वेगळा अनुभव असल्याचं तिने सांगितलं. जवळपास पाच दिवस सेटवर आम्ही सगळे सराव करत होतो. शूटिंगच्या वेळा सांभाळत महाएपिसोडसाठी जय्यत तयारी केली. ही सगळी धमाल प्रेक्षकांना गणपती विशेष महाएपिसोडमध्ये पाहायला मिळेल.

उत्साहाच्या या वातावरणात मात्र शांतीनगर वस्तीवर संघवी बिल्डरच्या रुपात संकट उभं ठाकणार आहे. शांतीनगरची जागा बळकावू पाहणारा संघवी बिल्डर ऐन गणेशोत्सवात शांतीनगर उध्वस्त करायला आलाय. विघ्नहर्ता गणेश शांतीनगरावरचं संकट परतावून लावेल का? संघवी बिल्डरचा मनसुबा उधळला जाईल का? याची उत्कंठावर्धक गोष्ट १ सप्टेंबरच्या गणपती विशेष भागात पाहायला मिळेल. त्यासाठी पाहायला विसरु नका ‘मोलकरीण बाई’ मालिकेचा गणपती विशेष भाग रविवार १ सप्टेंबरला दुपारी १ आणि रात्री ८ वाजता फक्त स्टार प्रवाहवर.





मराठीमाती | MarathiMati
संपादक मंडळ, मराठीमाती डॉट कॉम
मराठीमाती डॉट कॉम वरिल विविध विभागांत लेखन आणि संपादन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.