जीव सैरावैरा धावे, आज पळत्याच्या पाठी
जीव सैरावैरा धावेआज पळत्याच्या पाठी
कशी मायेच्या धुंदीने
विसरली नातीगोती
अरे माणसा, माणसा
नको माणुसकी सोडू
पिढ्या चालत आलेल्या
नको परंपरा मोडू
नको गाडी रे बंगला
नको जमीनजुमला
नको प्रेमाच्या नात्याला
भाऊबंदकीचा घाला
आयुष्याच्या दुकानात
गच्च भरले सामान
नको डावलु कधीच
थोरामोठ्यांचा रे मान
खांदा द्यावया असुदे
तुला कुणी मानकरी
नाहीतर सहा फूट
जागेसाठी तू भिकारी
बालपणापासून काव्यलेखनाची आवड असणारे बडोदा, गुजरात येथील अजित पाटणकर हे मराठीमाती डॉट कॉम येथे मराठी कविता या विभागात लेखन करतात.