चिंता उरात साऱ्या - मराठी कविता

चिंता उरात साऱ्या, मराठी कविता - [Chinta Urat Saarya, Marathi Kavita] सांगू कशा कुणाला, माझ्याच वेदना मी.

सांगू कशा कुणाला, माझ्याच वेदना मी

सांगू कशा कुणाला
माझ्याच वेदना मी
चिंता उरात साऱ्या
डोक्यात वेध नामी

जळत्या चितेवरी या
मी शांत झोपलेला
समोर अवाक सारे
क्षितीजात राख नामी

काही सुखात होते
की आज संपलो मी
माझे मलाच ठावे
कोणास घाव वर्मी

येतील न्यावयाला
अस्थी उद्या जरी हे
करतील विसर्जनाचा
भलताच खेळ नामी

घ्यावा असा निरोप
सुखदुःख संपवावे
आत्म्यास आठवावे
येणार तेच कामी

अजित पाटणकर

सभासद, मराठीमाती डॉट कॉम

बालपणापासून काव्यलेखनाची आवड असणारे बडोदा, गुजरात येथील अजित पाटणकर हे मराठीमाती डॉट कॉम येथे मराठी कविता या विभागात लेखन करतात.

अधिक माहिती पहा । सर्व लेखन पहा

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.