थोरांचे विचार रद्दीत संपलेत
पावसाचं पाणी सिंचनात संपलय
सरकारी योजना चिंतनात संपलीय
राजकारण प्रचारात संपलय
समाजकारण आचारात संपलय
शांतता शोधात संपलीय
अशांतता रोधात संपलीय
ज्ञानदान स्पर्धात संपलय
ज्ञानार्जन अर्ध्यात संपलय
कल्पना आशयात संपलीय
भूमिका विषयात संपलीय
विकास रस्ता खड्ड्यात संपलाय
मिळून मिसळून टक्क्यात संपलाय
आजाराचं निदान ऐपतीत संपलय
त्या देवावरच्या भक्तीची कैफियत संपलीय
न्याय निवाडा तारखेत संपलाय
हस्तक्षेपकांच्या पारखेत संपलाय
नात्यांचं जुळणं जातीत संपलय
विविध रंगी मातीत संपलय
आधी माणूस माणसात जगायचा
आता माणूसकी माणसात संपलीय