माझी बैल जोडी साधी - मराठी कविता

माझी बैल जोडी साधी, मराठी कविता - [Majhi Bail Jodhi Sadhi, Marathi Kavita] झुंजूमुंजू होता उठे, मालकाच्या आधी, काय सांगू गड्या, माझी बैल जोडी साधी.

झुंजूमुंजू होता उठे
मालकाच्या आधी
काय सांगू गड्या
माझी बैल जोडी साधी

शेतामध्ये जाण्यासाठी
हाती घेता काठी
मी पुढे जाता
माझ्या येती पाठी पाठी

येड्या ओठावरी जेव्हा
जुनी गाणी येती
घुंगराच्या तालावरी
साथ मला देती

सोनं केलं त्यांनी जिथं
आधी होती माती
डोळ्यामध्ये पाणी येतं
बघुनिया फुललेली शेती

हीच असते त्या
मुक्या जनावराची रीत
तुला मला येणार नाही
एवढी करतात प्रित

संपते दिनचर्या जेव्हा
परत फिरतो गवारी
भरूनिया गोठ्यात
जेव्हा लावतो कवडी