शब्दांती मी सावळा - मराठी कविता (रोहित साठे)

शब्दांती मी सावळा (मराठी कविता) - मराठीमाती डॉट कॉमचे सभासद कवी रोहित साठे यांची शब्दांती मी सावळा ही मराठी कविता.

माझ्यावर फुलणाऱ्या माझ्याच कवितेत, अभ्यंग शब्दांती मी सावळा...

शब्दांती मी सावळा

रोहित साठे

हातातून अलगद निसटणारे क्षण किंमत त्यांची लक्षो मण मातीच्या मणात मोजलेलं आयुष्य कडू - गोड घटनांचं रण त्यात रणशिंग माझ्याच निर्णयांची, कपाळावर आठ्यांचं धनुष्य कुठला बाण कुठे लागतोय हेच बघण्यात आटतंय आयुष्य सकाळी उठून सूर्याला नमस्कार नंतर देवघरातल्या पंचधातूला “शक्ती, बुद्धी, यश दे, सुखी ठेव सर्वांना आणि मला” चैत्र ते फाल्गुन तोच देव, विनवण्यांची फक्त चढ - उतार सोयीनुसार बदलणारे नियम, सोयीनुसार नियमांच्या पार सोमवार ते रविवार तीच तीच माणसं, झोळीत त्यांच्या नऊ मुखवटे कधी जवळचे कधी धटिंगण, डोक्यावर मतलबांचे फेटे माणसांत असून माणसांत नसून गरज भावनांना आधाराची कधी विसंगत कधी सुसंगत, त्यांनीच त्यांच्यात एक होण्याची बहु जरी मी शिखर जिंकलो, शोधणार तिथे मनातलं धन होकाराच्या तळ्यात नकाराच्या मळ्यात, वणव्यात पेटलेलं आठवणींचं वन आईच्या कुशीचा आजीच्या गोष्टींचा, आठवणींना आपला तोच जुना वास आठवणींत आठवणी आठवणाऱ्यांच्या, श्वासांच्या साखळीत एक शिळा श्वास वाकवलेले आदर्श फाकवलेलं कुंपण, सैरभैर पळालेली आपुलकीची गुरं सैरभैर मी सैरभैर तू, सैरभैर सर्वांच्या पराकाष्ठेची दारं जीवाला उसंत माझ्याही नाही, तुझ्याची मनात शंकेच्या पाली अलबत शंका गलबत शंका, शंकेच्या हुडहुडीवर संशयाच्या शाली आनंदाच्या तेराव्याला वैराग्याच्या पंगती, जेवणात पौष्टिक विचारांचे लाडू बहुदा तुझा कधी अजून कुणाचा, ढेकर दिल्यावर हसू की रडू? सगळंच काही क्षणांपुरतं, माझं तुझं प्रेम तुझा माझा जिव्हाळा माझ्यावर फुलणाऱ्या माझ्याच कवितेत, अभ्यंग शब्दांती मी सावळा कधीतरी मी हरवून जाईन, त्याच हरवलेल्या विचारांच्या वाटेवर माझ्याच शब्दांचं बोट धरून तुझ्या वर्णनाच्या शब्दांवर स्थावर तू रेखाटलेल्या माझ्या चित्रात कास शोधीन तुझ्या स्वप्नांची आटत चाललेल्या आयुष्यात माझ्या पुन्हा गजबज मुक्त चित्रांची

रोहित साठे यांचे इतर लेखन वाचा:

---

मराठीमाती डॉट कॉम येथे प्रकाशित होणाऱ्या निवडक मराठी कविता आता श्राव्य स्वरूपात देखील उपलब्ध आहेत. सर्व ऑडिओ कविता या दुव्यावर ऐकता येतील.

---

• [col]
• - आईच्या कविता
• - निसर्ग कविता
• - पावसाच्या कविता
• - गावाकडच्या कविता

• [col]
• - आत्मविश्वासाच्या कविता
• - आनंदाच्या कविता
• - दुःखाच्या कविता
• - प्रेम कविता

• [col]
• - प्रेरणादायी कविता
• - बाबाच्या कविता
• - बायकोच्या कविता
• - बालकविता

• [col]
• - मैत्रीच्या कविता
• - विरह कविता
• - शांततेच्या कविता
• - शाळेच्या कविता

• [col]
• - शिक्षकांवर कविता
• - सामाजिक कविता
• - अंधश्रद्धेच्या कविता
• - देशभक्तीपर कविता

• [col]
• - सैनिकांच्या कविता
• - शेतकर्‍याच्या कविता
• - प्रवासाच्या कविता
• - तिच्या कविता

• [col]
• - संघर्षाच्या कविता
• - आठवणींच्या कविता
• - राजकीय कविता
• - तरुणाईच्या कविता

---

अक्षरमंच - मुक्त व्यासपीठ - नवोदितांच्या लेखन प्रतिभेस प्रोत्साहन देणारे एक मुक्त व्यासपीठ.
आपले लेखन आणि साहित्य प्रकाशित करण्यासाठी ऑनलाईन किंवा ऑफलाईन मोफत लेखक नोंदणी करा.
नवीन लेखक नोंदणी / मराठीमाती डॉट कॉम येथे साहित्य प्रकाशनासंदर्भातील अधिक माहितीसाठी आम्हाला +९१ ९३२ ६०५ २५५२ येथे संपर्क साधा.