सुकलेल्या धरणीला, ओलाव्याची फुंकर, हलकेच वितळते पहा, वियोगाचे डोंगर
सुकलेल्या धरणीलाओलाव्याची फुंकर
हलकेच वितळते पहा
वियोगाचे डोंगर
नजरेत मावेना
रिमझिमणारा आनंद
श्वासासही जाणवला
मोकळेपणाचा सुगंध
खेळते गीत मधुर
हास्याशी लपंडाव
वादळे पार करूनी झाला
मायेचा वर्षाव
हाताच्या रेषेवरी जसा
तुषार तो नाचतो
शीतल वारा कानात माझ्या
खुदकन हासतो
मोहरलेल्या ओंजळीतले
थेंब ओठाने मोजले
ताहानलेल्या पाखराला
मेघाने अमृत पाजले
मराठीमाती डॉट कॉम वरिल मराठी कविता विभागात लेखन.