जय जय श्रीशनिदेवा - शनिदेवाची आरती

जय जय श्रीशनिदेवा, शनिदेवाची आरती - [Jai Jai Shrishanideva, Shanidevachi Aarti] जय जय श्रीशनिदेवा, पद्मकर शिरी ठेवा, आरती ओवाळीतो, मनोभावे करुनी सेवा.

जय जय श्रीशनिदेवा, पद्मकर शिरी ठेवा, आरती ओवाळीतो, मनोभावे करुनी सेवा

जय जय श्रीशनिदेवा ।
पद्मकर शिरी ठेवा ॥
आरती ओवाळीतो ।
मनोभावे करुनी सेवा ॥ ध्रु० ॥

सूर्यसुता शनिमूर्ती ।
तुझी अगाध कीर्ती ॥
एकमुखे काय वर्णू ।
शेषा न चले स्फूर्ती ॥ जय० ॥ १ ॥

नवग्रहामाजी श्रेष्ठ ।
पराक्रम थोर तूझा ॥
ज्यावरी तू कृपाकरिसी ।
होय रंकाचा राजा ॥ जय० ॥ २ ॥

विक्रमासारिखा हो ।
शककर्ता पुण्यराशी ॥
गर्व धरिता शिक्षा केली ।
बहु छळियेले त्यासी ॥ जय० ॥ ३ ॥

शंकराच्या वरदाने ।
गर्व रावणे केला ॥
साडेसाती येता त्यासी ।
समूळ नाशासी नेला ॥ जय० ॥ ४ ॥

प्रत्यक्ष गुरुनाथा ।
चमत्कार दावियेला ॥
नेऊनी शूळापाशी ।
पुन्हा सन्मान केला ॥ जय० ॥ ५ ॥

ऐसे गुण किती गाऊ ।
धणी न पुरे गाता ॥
कृपा करी दीनावरी ।
महाराजा समर्था ॥ जय० ॥ ६ ॥

दोन्ही कर जोडोनीया ।
रुक्मा लीन सदा पायी ॥
प्रसाद हाचि मार्गे ।
उदयकाळ सौख्य दावी ॥ जय जय० ॥ ७ ॥

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.