इंद्रायणिचे तटी - ज्ञानदेवाची आरती

0 0 संपादक ४ मार्च, २०११ संपादन

इंद्रायणिचे तटी (ज्ञानदेवाची आरती) - इंद्रायणिचे तटी धरिला रहिवास, विश्व तारावया लक्ष्मीनिवास [Indrayaniche Tati, Dnyandevachi Aarti].

इंद्रायणिचे तटी धरिला रहिवास, विश्व तारावया लक्ष्मीनिवास...

इंद्रायणिचे तटी - ज्ञानदेवाची आरती

ज्ञानदेवाच्या आरत्या

इंद्रायणिचे तटी धरिला रहिवास । विश्व तारावया लक्ष्मीनिवास ॥ ज्ञानेश्वरूपे धरिला निजवेष । वर्म जाणे तया सद्गुरुउपदेश ॥ १ ॥ जय देव जय देव जय ज्ञानदेवा ॥ जीवा शिवा आदी परब्रह्म ठेवा ॥ ध्रु० ॥ कृष्ण एकादशी कार्तिकमासी । पंढरिनाथ आपण सनकादिकेसी ॥ यातेलागी येती स्वानंदराशी । दर्शन घडे तया निजमुक्ती देसी ॥ जय देव० ॥ २ ॥ महिषीपुत्र केला वाचक वेदाचा । प्रतिष्ठानी गर्व हरिला विप्रांचा ॥ विशेष अर्थ केल भगवद्गीतेचा । अजान वृक्ष पिंपळ शोभे कनकाचा ॥ जय देव० ॥ ३ ॥ सकळ सिद्धगणामाजी तू श्रेष्ठ । ज्ञानदेव अनुभवी ज्ञान वरिष्ठ ॥ अनुताप ज्याचा विश्व घनदाट । मुक्तेश्वरी न धरे प्रेमाचा लोट ॥ जय० ॥ ४ ॥

टीप: वरील साहित्य केवळ पारंपरिक श्रद्धांवर आधारित असून, वाचकांनी विवेकबुद्धी जपून अंधश्रद्धेपासून दूर राहावे.

अभिप्राय

तुमची टिप्पणी आमच्यासाठी महत्त्वाची आहे!
तुमचा अभिप्राय / टिप्पणी ही आम्ही कसे कार्य करतो? त्यातील सुधारणांसाठी आणि आम्ही सातत्याने उच्च-गुणवत्तेची सेवा प्रदान करतोय की नाही हे समजून घेण्यासाठी आमच्यासाठी महत्वाची आहे.