आरती साईबाबा - साईबाबाची आरती

आरती साईबाबा, साईबाबाची आरती - [Aarti Saibaba, Saibabanchi Aarti] आरती साईबाबा, सौख्यदातारा जीवा, चरणरजतळी.

आरती साईबाबा, सौख्यदातारा जीवा, चरणरजतळी

आरती साईबाबा ।
सौख्यदातारा जीवा ।
चरणरजतळी ।
द्यावा दासा विसावा ।
भाक्ता विसावा ॥ ध्रु० ॥

जाळुनिया अनंग ।
स्वस्वरूपी राहे दंग ।
मुमुक्षु जनं दावी ।
निज डोळा श्रीरंग ॥ आरती० ॥ १ ॥

जया मनी जैसा भाव ।
तया तैसा अनुभव ।
दाविसी दयाधना ।
ऐसी तुजी ही माव ॥ आरती० ॥ २ ॥

तूमचे नाम ध्याता ।
हरे संसृतिव्यथा ।
अगाध तव करणी ।
मार्ग दावीसी अनाथा ॥ आरती० ॥ ३ ॥

कलियुगी अवतार ।
सगुणब्रह्म साचार ।
अवतीर्ण झालासे ।
स्वामी दत्त दिगंबर ॥ आरती० ॥ ४ ॥

आठा दिवसा गुरुवारी ।
भक्त करिती वारी ।
प्रभुपद पहावया ।
भवभय निवारी ॥ आरती० ॥ ५ ॥

माझा निजद्रव्य-ठेवा ।
तव चरणरजसेवा ।
मागणे हेचि आता ।
तुम्हा देवधिदेवा ॥ आरती० ॥ ६ ॥

इच्छित दीन चातक ।
निर्मल तोय निजसुख ।
पाजावे माधवा या ।
सांभाळ आपुली भाक ॥ आरती० ॥ ७ ॥