जन्मता पांडुरंगे - नामदेवाची आरती

जन्मता पांडुरंगे, नामदेवाची आरती - [Janmata Pandurange, Namdevachi Aarti] जन्मता पांडुरंगे, जिव्हेवरी लिहिले, अभंग शतकोटी, प्रमाण कवित्व रचिले.

जन्मता पांडुरंगे, जिव्हेवरी लिहिले, अभंग शतकोटी, प्रमाण कवित्व रचिले

जन्मता पांडुरंगे ॥
जिव्हेवरी लिहिले ॥
अभंग शतकोटी ॥
प्रमाण कवित्व रचिले ॥ १ ॥

जय जयाजी भक्तराया ॥
जिवलग नामया ॥
आरती ओवाळिता ॥
चित्त पालटे काया ॥ ध्रु० ॥

घ्यावया भक्तिसुख ॥
पांडुरंगे अवतार ॥
धरूनिया तीर्थमिषे ॥
केला जगाचा उद्धार ॥ जय० ॥ २ ॥

प्रत्यक्ष प्रचीती हे ॥
वाळवंट परिस केली ॥
हारपली विषमता ॥
द्वैतबुद्धी निरसली ॥ जय० ॥ ३ ॥

समाधि महाद्वारी ॥
श्रीविठ्ठलचरणी ॥
आरती ओवाळितो ॥
परिसा कर जोडूनी ॥ जय जयाजी० ॥ ४ ॥

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.