आरती भुवनसुंदराची - कृष्णाची आरती

आरती भुवनसुंदराची, कृष्णाची आरती - [Aarti Bhuwansundarachi, Krushnachi Aarti] आरती भुवनसुंदराची, इंदिरावरा मुकुंदाची.

आरती भुवनसुंदराची, इंदिरावरा मुकुंदाची

आरती भुवनसुंदराची ।
इंदिरावरा मुकुंदाची ॥ ध्रु० ॥

पद्मसम पादयुग्मरंगा ।
ओवाळणी होति भृंगा ॥
नखमणि स्रवताहे गंगा ।
जे का त्रिविधतापभंगा ॥ चाल ॥

वर्तुळ गुल्फ भ्राजमाने ॥
किंकिणीक्वणित, नाद घणघणित, वांकिवर झुणित, नूपुरे झन्न मंजिराची ।
झनन ध्वनी मंजिराची ॥ आरती भुवन० ॥ १ ॥

पीतपट हाटकतप्तवर्णी ।
कांची नितंब सुस्थानी ॥
नाभिची अगाध ही करणी ।
विश्वजनकाची जे जननई ॥ चाल ॥

त्रिवलीललित उदरशोभा ।
कंबुगळा माळ विलंबित, झळाळ कौस्तुभ, सरळ बाहू, श्रीवत्सतरलमणि मरळ कंकणाची ।
प्रीति बहु जडित कंकणांची ॥ आरती भुवन० ॥ ॥ २ ॥

इंदुसम आस्य कुंदरदना ।
अधरारुणार्क-बिंबवदना ॥
पाहता भ्रांति पडे मदना ।
सजलमेघाब्धि दैत्यदमना ॥ चाल ॥

झळकत मकरकुंडलाभा ।
कुटिलकुंतली, मयूरपत्रावली वेष्टिली, तिलक भाळि केशरी झळाळित, कृष्णकस्तुरीची ।
अक्षता भाळि कस्तुरीची । आरती भुवन० ॥ ३ ॥

कल्पद्रुमातळी मूर्ती ।
सौदामिनी कोटिदीप्ती ॥
गोपीगोपवलय भवती ।
त्रिविष्टप पुष्पवृष्टि करिती ॥ चाल ॥

मंजुळ मधुर मुरलिनादे ।
चकित गंधर्व, चकित अप्सरा, सुरागिरिवरा, कर्पुराधरा, रतीने प्रेमयुक्त साची ।
आरती ओवाळित साची ॥ आरती भुवन० ॥ ४ ॥

वृंदावनीचिये हरणी ।
सखे गे कृष्ण माय बहिणी ॥
श्रमलो भवाब्धिचे फिरणी ।
आता मज ठाव देई चरणी ॥ चाल ॥

अहा हे पूर्ण पुण्यश्लोका ।
नमितो चरण शरण मी, करुणा येऊ दे विशालपाणीम कृष्ण नेणते बाळ आपुले, राखि लाज याची ।
दयानिधे राखि लाज याची । आरती भुवन० ॥ ५॥

टीप: वरील साहित्य केवळ पारंपरिक श्रद्धांवर आधारित असून, वाचकांनी विवेकबुद्धी जपून अंधश्रद्धेपासून दूर राहावे.

कृष्णाच्या इतर आरत्या वाचा: