सांजवेळी - मराठी गझल

सांजवेळी, मराठी गझल - [Sanjaveli, Marathi Ghazal] सांजवेळी पाखरांचे दूर जाणे, हा कोणता खेळ आहे.
सांजवेळी - मराठी गझल | Sanjaveli - Marathi Ghazal

सांजवेळी पाखरांचे दूर जाणे, हा कोणता खेळ आहे

सांजवेळी पाखरांचे दूर जाणे
हा कोणता खेळ आहे
सांजवेळी कंकणाचे चूर होणे
हा कोणता खेळ आहे

वाहती पाण्यावरून सदा
या साऱ्या मंद लहरी
सांजवेळी मासळ्यांचे सूर मारणे
हा कोणता खेळ आहे

काठ दोन्ही भरून गेले
बेताल झाली झाडेच अशी
सांजवेळी नदीला पूर जाणे
हा कोणता खेळ आहे

कोण आहे शिल्पकार हा
जीवनाचे चित्र रेखिले
सांजवेळी चुळीचे धूर जाणे
हा कोणता खेळ आहे

झाड गेले झाखाळूनि
दाटला अंधार दिशात
सांजवेळी डोंगरांचा नूर जाणे
हा कोणता खेळ आहे

निघाल्या कळपात गायी
शिस्त त्यांची वेगळी
सांगवेळी वासरांचे चौखूर होणे
हा कोणता खेळ आहे
संतोष सेलुकर | Santosh Selukar
परभणी, महाराष्ट्र (भारत) । सभासद, मराठीमाती डॉट कॉम
लिखाणाची आवड असणारे आणि व्यवसायाने शिक्षकी पेशात असलेले संतोष सेलुकर यांचा ‘दुरचे गाव’ हा कविता संग्रह प्रकाशित झालेला आहे.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.