नवं काय - मराठी कविता

नवं काय, मराठी कविता - [Nava Kaay, Marathi Kavita] तुझी पावलं स्थिरावली अन्‌ म्हणालास नवी पावलं टाक.

तुझी पावलं स्थिरावली अन्‌ म्हणालास नवी पावलं टाक...

तुझी पावलं स्थिरावली
अन्‌ म्हणालास…
नवी पावलं टाक...
पावलं नवी असतात कां?
बरं...
ज्या मातीवर ती टाकायची,
ती माती?
नवी असते का...?
अनेकांच्या पाऊलखुणा
आपल्यावर उमटवणारी
ती माती...?
वेगळ्या वळणावरच्या
मातीवर उमटणारी
ती पावलं...
नव काय?
तुझ्या सहवासात
चाललेली पावलं
की...
एकटीनं टाकायची पावलं...
नव काय...?
आता फक्त
नव्या उमेदीनं
स्वतःच्या पायावर
उभं रहाणचं
महत्त्वाच


अनुराधा फाटक | Anuradha Phatak
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.