दुःख - मराठी कविता

दुःख, मराठी कविता - [Dukkha, Marathi Kavita] बांधुनिया मनाला, दुःख मी पांघरले, आतड्याची बुजवत आग, उरी उर कवटाळले.

बांधुनिया मनाला, दुःख मी पांघरले, आतड्याची बुजवत आग, उरी उर कवटाळले

बांधुनिया मनाला
दुःख मी पांघरले
आतड्याची बुजवत आग
उरी उर कवटाळले
खाऊनी लाडू भुकेचा
तहानेचा लाडू प्याले
जरी जीर्ण वस्त्र झाले
जपून जपून वापरले
टाके किती घातले
परी उसवतची गेले
ऐशाच जीर्ण वस्त्राने
दुःखास गे आधारले
बांधुनिया मनाला
मी दुःख पांघरले


अनुराधा फाटक | Anuradha Phatak
सभासद, मराठीमाती डॉट कॉम
मराठी कविता या विभागात लेखन.

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.