दुःख - मराठी कविता

बांधुनिया मनाला, दुःख मी पांघरले, आतड्याची बुजवत आग, उरी उर कवटाळले

बांधुनिया मनाला
दुःख मी पांघरले
आतड्याची बुजवत आग
उरी उर कवटाळले
खाऊनी लाडू भुकेचा
तहानेचा लाडू प्याले
जरी जीर्ण वस्त्र झाले
जपून जपून वापरले
टाके किती घातले
परी उसवतची गेले
ऐशाच जीर्ण वस्त्राने
दुःखास गे आधारले
बांधुनिया मनाला
मी दुःख पांघरले

---

अनुराधा फाटक

सभासद, मराठीमाती डॉट कॉम

मराठी कविता या विभागात लेखन.

अधिक माहिती पहा । सर्व लेखन पहा