गाजर द्राक्षे कोशिंबीर - पाककृती

गाजर द्राक्षे कोशिंबीर, पाककला - [Gajar Drakshe Koshimbir, Recipe] जेवणातली चव वाढवणारी चटकदार गाजर द्राक्षे कोशिंबीर.
गाजर द्राक्षे कोशिंबीर - पाककला | Gajar Drakshe Koshimbir - Recipe

जेवणातली चव वाढवणारी चटकदार गाजर द्राक्षे कोशिंबीर


गाजर आणि द्राक्षे घालुन केलेली कोशिंबीर चवीला अत्यंत चटकदार लागते, सोबत मेयोनेझ आणि खमंगपणा येण्यासाठी तिखट आणि मिरपूड असल्याने जेवणातली चव वाढते. दुपारच्या जेवणात आणि खास करून पाहूणचारासाठी ही कोशिंबीर एक वेळ नक्की करून पहावी.



गाजर द्राक्षे कोशिंबीर करण्यासाठी लागणारा जिन्नस


  • २ वाट्या गाजराचा कीस (गुलाबी गाजरे जास्त छान दिसतात)
  • १५-२० बिनबियांची(सीडलेस) द्राक्षे
  • १ चमचा खसखस
  • १ चमचा मीठ
  • अर्धा चमचा साखर
  • पाव चमचा लाल तिखट किंवा मिरपूड
  • १ वाटी मेयोनेझ किंवा १ वाटी घरचा चक्का
  • अर्धी वाटी सायीचे दही

गाजर द्राक्षे कोशिंबीर करण्याची पाककृती


  • द्राक्षे धुवून अर्धी-अर्धी चिरावीत.
  • आता त्यामध्ये गाजराचा कीस, खसखस, लाल तिखट किंवा मिरपूड, मेयोनेझ, दही, साखर आणि चवीनुसार मीठ घालून हे सर्व जिन्नस एकत्र करावेत व चार तास कोशिंबीर फ्रीजमध्ये ठेवावी.
  • थंडगार गाजर द्राक्षे कोथिंबीर तयार आहे.

शक्यतो पांढर्‍या भांड्यात किंवा केळीच्या पानावर ठेवून टेबलावर न्यावी.


स्वाती खंदारे | Swati Khandare
संपादिका, मराठीमाती डॉट कॉम
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.


जीवनशैली        पाककला

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.