मक्याची कोफ्ता करी - पाककृती

मक्याची कोफ्ता करी, पाककला - [Corn Kofta Curry, Recipe] पंजाबी स्वादाची आणि ग्रेव्ही युक्त ‘मक्याची कोफ्ता करी’ रोजच्या जेवणासाठी किंवा घरगुती छोट्याश्या समारंभासाठी साजेशी अशी अत्यंत चविष्ट आणि खमंग पाककृती आहे.

पंजाबी स्वादाची आणि ग्रेव्ही युक्त मक्याची कोफ्ता करी

‘मक्याची कोफ्ता करी’साठी लागणारा जिन्नस

६ मक्याची कणसे
१०० ग्रॅम बेसन
१५० ग्रॅम बटाटे
१/२ वाटी दही
चिमूटभर सोडा
१/२ चमचा मिरपूड
१/२ चमचा जिरे
१/२ चमचा गरम मसाला
१/२ चमचा तिखट
५ - ६ बारीक चिरलेल्या हिरव्या मिरच्या
कोथिंबीर

‘ग्रेव्ही’साठी लागणारा जिन्नस

१ कांदा
२ मोठे टोमॅटो
४-५ लसणीच्या पाकळ्या
१ आल्याचा तुकडा
१ चमचा गरम मसाला
हळद
मीठ
तिखट

‘मक्याची कोफ्ता करी’ची पाककृती

मक्याची कणसे किसून घ्यावी. नंतर तो किस कुकरमध्ये वाफेवर शिजवून घ्यावा.
बटाटे उकडून, सोलून घ्यावेत. नंतर बेसन, दही, सोडा, मक्याचा कीस आणि बटाटे एकत्र करुन छोटे छोटे गोळे करावेत व तळून बाजूला ठेवावेत.
जास्त तेलावर कांदा परतून घ्यावा. त्यावर वाटलेले आले व लसूण परतावा.
नंतर हळद, तिखट व गरम मसाला घालून परतावे.
पाण्याचा शिपका मारावा. नंतर त्यात बारीक चिरलेला टोमॅटो व मीठ घालावे. जरा परतावे.
बेताचे पाणी घालून रस दाटसर वाटाला की कोफ्ते घालून उतरावे.
कोफ्ते घातल्यावर उकळू नये.
वरुन कोथिंबीर घालून सजवावे आणि गरमागरम पोळी किंवा रोटीसोबत खाण्यास द्यावे.

स्वाती खंदारे
संपादिका, मराठीमाती डॉट कॉम । पुणे
संपादकीय, मराठी लेख, फोटो गॅलरी, पाककला, महाराष्ट्र या आणि अशा विविध विभागांत लेखन.
अधिक माहिती पहा । सर्व लेखन पहा