आई असेल तर (मराठी कविता)

आई असेल तर (मराठी कविता) - मराठीमाती डॉट कॉम च्या सभासद कवयित्री गायत्री सोनजे यांची आई असेल तर ही मराठी कविता.

स्वर्गापेक्षा महान, जगात असे आई...

---

आई असेल तर (मराठी कविता)

मराठीमाती डॉट कॉम च्या सभासद कवयित्री ‘गायत्री सोनजे’ यांची ‘आई असेल तर’ ही मराठी कविता.

---

स्वर्गापेक्षा महान
जगात असे आई
देहामधून देह देते
तिच माता अरणी... ॥ १ ॥

गर्भाशयात वाढवून
जन्म देणारी धात्री
विश्वाची जगतराणी
तिच माता सावित्री... ॥ २ ॥

मातेसारखी दुसरी
सावली कुठे नाही
मातेसारखा दुसरा
आधार कुठे नाही... ॥ ३ ॥

आई असे पुकारता
श्रीमंत किती होतो
माता अन्नपुर्णेच्या
कुशीत जणू शिरतो... ॥ ४ ॥

वात्सल्य प्रेमातली
क्षमा, धैर्य, करुणामुर्ती
त्रिकाळात भेटलेली
आई म्हणजे त्रिमूर्ती... ॥ ५ ॥

आई जिवंत असेल तर
मनुष्य सनाथ आहे
आई नसेल तेव्हा
तो तर अनाथ आहे... ॥ ६ ॥

---

आई असेल तर (मराठी कविता) संबंधी महत्त्वाचे दुवे:

• दुःख एका आईचे (मराठी कविता)
• आई तू (मराठी कविता)

---

सौ. गायत्री सोनजे (नाशिक)