अमर हुतात्मे झाले - मराठी कविता (वि. म. कुलकर्णी)

ज्येष्ठ आणि प्रसिद्ध मराठी कवी वि. म. कुलकर्णी (विनायक महादेव कुलकर्णी) यांची अमर हुतात्मे झाले ही लोकप्रिय मराठी कविता.

ते देशासाठी लढले, ते अमर हुतात्मे झाले

---

अमर हुतात्मे झाले - मराठी कविता (वि. म. कुलकर्णी)

ज्येष्ठ आणि प्रसिद्ध मराठी कवी वि. म. कुलकर्णी (विनायक महादेव कुलकर्णी) यांची अमर हुतात्मे झाले ही लोकप्रिय मराठी कविता.

---

ते देशासाठी लढले
ते अमर हुतात्मे झाले

सोडिले सर्व घरदार
त्यागिला मधुर संसार
ज्योतीसम जीवन जगले
ते देशासाठी लढले

तो तुरुंग, ते उपवास
ते साखळदंड तनूस
कुणी फासावरती चढले
ते देशासाठी लढले

झगडली-झुंजली जनता
मग स्वतंत्र झाली माता
हिमशिखरी ध्वज फडफडले
ते देशासाठी लढले

कितिकांनी दिले प्राणास
हा विसरु नका इतिहास
पलित्याची ज्वाला झाले
ते देशासाठी लढले

हा राष्टध्वज साक्षीला
करू आपण वंदन याला
जयगीत गाऊया अपुले
ते देशासाठी लढले

- वि. म. कुलकर्णी (विनायक महादेव कुलकर्णी)