उडू उडू रे फुलपाखरू (मराठी कविता)

उडू उडू रे फुलपाखरू (मराठी कविता) - मराठीमाती डॉट कॉम चे सभासद कवी आदित्य कदम यांची उडू उडू रे फुलपाखरू ही मराठी कविता.

उडू उडू रे फुलपाखरू... उडू उडू रे! उडू उडू रे फुलपाखरू... उडू उडू रे!

---

उडू उडू रे फुलपाखरू (मराठी कविता)

मराठीमाती डॉट कॉम चे सभासद कवी आदित्य कदम यांची ‘उडू उडू रे फुलपाखरू’ ही कविता.

---

उडू उडू रे फुलपाखरू... उडू उडू रे!
उडू उडू रे फुलपाखरू... उडू उडू रे!
फुलासंगे चल जरा हितगूज करू रे...

कधी मकरंद चोचीत घेऊ
संगतीनं तोंड गोड करू..
कधी पतंग होऊन आभाळी
वाऱ्याशी थोडी कसरत रे करू!

कधी गुपचूप, गुपचूप फुलांतूनी,
कधी हिरवी झाडं, पानवेलींतूनी
कधी हलक्या हलक्या सरींतूनी
हौसेनं चल की, घसरगुंडी रे करू!

कधी किरणांच्या तारेवरती
कधी शुभ्रांच्या वेशींभोवती,
कधी हिमालय, कधी सह्याद्री
उंच उंच पर्वतांची चल सैर रे करू!

- आदित्य कदम