आंब्याचे झाड आणि भोपळीचा वेल

आंब्याचे झाड आणि भोपळीचा वेल, इसापनीती कथा - [Ambyache Jhad Aani Bhoplicha vel, Isapniti Katha] लवकर प्रगती होणे हे नेहमी वाखाणण्याजोगे असते असे नाही.
आंब्याचे झाड आणि भोपळीचा वेल - इसापनीती कथा | Ambyache Jhad Aani Bhoplicha vel - Isapniti Katha
आंब्याचे झाड आणि भोपळीचा वेल (इसापनीती कथा), चित्र: वैशाली चिटगोपकर
लवकर प्रगती होणे हे नेहमी वाखाणण्याजोगे असते असे नाही.

एका आंब्याच्या झाडाच्या तळाजवळ एक भोपळीचा वेल लावला होता. वेल अगदी हंगामी लावला गेल्यामुळे झपाटयाने वाढला व आंब्याच्या झाडावर चढून त्याने बराच मोठा भाग व्यापला.

पुढे त्यास फुले व फळे येऊ लागली तेव्हा आंब्याचे झाड रिकामे पाहून तो आब्यांला म्हणाला, ‘काय रे दादा, मी जितक्या दिवसात वाढलो त्याहून अधिक वर्षे तुला वाढायला लागली,’ असे म्हणून तो तुच्छतादर्शक मुद्रेने आंब्याकडे पाहू लागला.

आंब्याने त्याला उत्तर दिले, ‘अरे तू फार झपाटयाने वाढलास व मला वाढावयास अधिक काळ लागला हे खरे, परंतु कित्येक हिवाळे व पावसाळे मजवरून गेले तरी मी जशाचा तसाच आहे, परंतु थंडीने थोडीशी चमक दाखवली तर तुला मात्र आपला गर्व फळे आणि फुले यांसह सोडावा लागला.

तात्पर्य: लवकर प्रगती होणे हे नेहमी वाखाणण्याजोगे असते असे नाही.

संपादक मंडळ
२००२ । मराठीमाती डॉट कॉम । पुणे
संपादक मंडळाद्वारे विविध विभागांतील साहित्याचे संपादन, पुनर्लेखन आणि संदर्भासहित नवीन लेखन केले जाते.
अधिक माहिती पहासर्व लेखन पहा

टिप्पणी पोस्ट करा

स्पॅम टिप्पण्या टाळण्यासाठी, सर्व टिप्पण्या प्रदर्शित करण्यापूर्वी नियंत्रित केल्या जातात.