जमदग्नीकुळभूषण मुक्ताफळदशना - परशुरामाची आरती

जमदग्नीकुळभूषण मुक्ताफळदशना, परशुरामाची आरती - [Jamadagnikulbhushan, Parshuramachi Aarti] जमदग्नीकुळभूषण मुक्ताफळदशना, अतिसज्जन मनमोहन रजनीकरवदना.

जमदग्नीकुळभूषण मुक्ताफळदशना, अतिसज्जन मनमोहन रजनीकरवदना

जमदग्नीकुळभूषण मुक्ताफळदशना ।
अतिसज्जन मनमोहन रजनीकरवदना ॥
अगणित महिमा तुझा न कळे सुरगणा ।
वदतो कंठी वाणी सरसीरुहनयना ॥ १ ॥

जय राम श्रीरम जय भार्गवरामा ।
नीरांजन करु तुजला परिपूर्णकामा ॥ ध्रु० ॥

सह्याद्रिगिरिशिखरी शर घेउनि येसी ।
सोडुनि शर पळवीसी पश्चिमजलधीसी ॥
तुजसम रणधीर जगी न पडे दृष्टीसी ।
प्रताप थोर तुझा नकळे कवणासी ॥ जय० ॥ २ ॥

तव कोप बहु पापी बाणे संहारी ।
दानवदहन करुनी वससी गिरिशिखरी ॥
क्षत्रिय मारुनि अवनी केली निवैरी ।
सात्त्विक राजस तामस त्रिगुणा उद्धरी ॥ जय० ॥ ३ ॥

द्रुढ भावे तव वंदन करिती जे चरणी ।
त्याते भवभय नाही जंववरि शशितरणी ॥
शर मारुनी उद्भविली गंगा जनतरणी ।
चिंतामणि शरणागत निश्चित तव चरणी ॥ जय राम श्रीराम० ॥ ४ ॥

टीप: वरील साहित्य केवळ पारंपरिक श्रद्धांवर आधारित असून, वाचकांनी विवेकबुद्धी जपून अंधश्रद्धेपासून दूर राहावे.

इतर आरत्या वाचा: